Patay ang anay driver bodyguard ni Laua-an, Antique Mayor Francisco Baladjay Jr. matapos luthangon sa national highway sang Barangay Bagongbayan, Laua-an, Antique kahapon sang kaagahon (Abril 30).
Ginkilala ang biktima nga si Crispolo Jereza alyas Polo, 48 anyos kag pumuluyo sang Sitio Ramyan, Barangay Guisijan, Laua-an, Antique
Ginpahayag ni Police Lt. Col. Alexander Rosales, hepe sang Laua-an PNP nga base sa ila imbestigasyon, nagtambung si NJereza sa bisperas sang kapistahan sang nasmabit nga lugar snag ini ang ginluthang sang wala makilala nga suspek samtang manugsakay sa iya motorsiklo.
Nakaangkon sang pilas sa nagkalain-lain nga bahin sang lawas ang biktima nga nangin kabangdanan sang iya kamatayon.
Nagapati ang Laua-an PNP nga daan nga hiligut-anon ang motibo sa krimen matapos mahibaluan nga may kaso pa nga gina-atubang ang biktima.
