Ginhatagan ni Pangulong Rodrigo Duterte sang bag-o nga posisyon sa gobyerno si anay Supreme Court Chief Justice Lucas Bersamin.
Suno kay Sen. Christopher “Bong” Go, ginpahamtang sang Presidente si Bersamin bilang pinuno ukon Chairman sang Government Service Insurance System (GSIS).
Dugang pa ni Go, nakapanumpa na si Bersamin kay Duterte sang nakaligad nga semana.
Oktubre 2019 sang magretiro si Bersamin bilang ika-25 nga chief justice sang Korte Suprema.
Madumduman nga sadtong Hulyo 2019, ginbutang bilang officer-incharge sang GSIS si Rolando Macasaet matapos magbiya sa puwesto si Jesus Clint Aranas
Una na nga ginpahayag ni PresidentialsSpokesperson Salvador Panelo nga may nakuwestiyon sa pagpalakat ni Aranas sa GSIS nga nagresulta sa pagkadula sang kumpiyansa sang Pangulo sa GSIS chief.
