Arestado ang anay child star nga si CJ Ramos, 31 anyos sa drug buy bust operation sa Tandang Sora, Quezon City kagab-i.
Suno kay National Capital Region Police Office Chief Dir. Gen. Guillermo Eleazar, dakop sa akto nga nagabakal sang shabu si CJ sa isa ka gina-target nga drug pusher.
Gin-ako naman ni CJ nga nagsugod siya gamit sang shabu 10 ka tuig na ang nakaligad bangud sang problema kag kabudlay sa pangabuhi.
Dugang pa niya nga isa na siya ka tuig nga nag-untat sa paggamit sang illegal nga droga apang natentar siya nga maggamit liwat.
Nagpangayo sang pasaylo si CJ sa iya iloy kag iya ginpahayag nga handa siya magpa-rehab kon hatagan sang tsansa.
Si CJ Ramos kabahin sang youth-oriented show nga “Ang TV” kag pelikula nga Tanging Yaman.
(ctto)
