Patay sa riding in tandem ang anay drug surenderer pasado alas 2:30 kahapon sang hapon sa Purok Riverside, Barangay Sto Niño, Syudad sang Koronadal matapos makaangkon sang pilas sa iban nga parte sang iya kalawasan tuga sang pagpangluthang.
Ginkilala ni Kapitan Norberto Bañara sang Barangay Sto Niño ang biktima kay William Villanueva Pareja, 49anyos, may asawa, anay security guard kag residente sang nasambit nga lugar.
Wala suno pa sang record sa Barangay nga pang-abusar ang biktima kag una na nga nagsurender sa oplan tokhang sang kapulisan sa iya sini Barangay.
Sa imbestigasyon sang Koronadal City Police sakay suno pa sa Honda XRM 125 nga motorsiklo nga nagaduag sang itom ang duha ka suspek.
Gintiro suno pa sang mga suspek ang biktima samtang nagapanglakaton kag madasig nga nagpalagyo matapos ang krimen.
Narekober sa gintabuan sang krimen ang tatlo ka basiyo kag isa ka bala sang kalibre 45 nga armas.
Sa karon blangko pa ang natungdan nga makilala ang mga suspek kag motibo sa insidente sa diin nagapadayon pa ang ila sini imbestigasyon.
