HIMAMAYLAN, NEGROS OCCIDENTAL – Handa nga magpa firing squard ang anay hepe sang Himamaylan PNP, Negros Occidental nga si Supt. Antonieto Cañete kon mapamaud-an nga ini siya nakabaton gid man sang drug money halin sa Berya drug group.
Nagpadulong kagab-I sa isa ka restaurant sa Bacolod City si Canete agud atubangon sang one-on-one ang ginakabig ‘bagman’ sang amo nga drug group nga si Ricky Sereño nga amo ang nagdalahig sangiya ngalan sa listahan sang drug payola.
Suno kay Cañete, dapat magsugid sang matuod si Sereño bangud ini ang pinaka-una nga kahigayunan nga nadalahig ang iya ngalan sa illegal drugs.
Apang, matapos ang masobra sa duha ka oras nga paghulat ni Cañete sa amo nga lugar upod ang mga pulis kag katapo sang media, wala gid nakaabot ang amo nga drug bag man. /dyHB BACOLOD
