Nagapati si anay Iloilo City Community College Officer-in-charge Lina Sanico nga harassment ang ginhimo sa iya sa nasmabit nga eskuwelahan.
Ini ang ginpahayag ni Sanico matapos ginpang-ukaty ang iya opisina kag ginpaguwa ang iya lamesa nga wala ang iya presensya.
Suno kay Sanico nga nagapati man siya nga gina-politika siya sang karon nga administrasyon bangud ginalantaw siya nga kontra partido bangud ang nakaligad nga administrasyon ni anay Mayor Joe Espinosa ang nagbutang sa iya sa puwesto.
Ginpahayag sini nga tuman ka garot sang sitwasyon sa ICCC bangud mismo ang mga empleyado ang wala naga-intsindihanay.
Dugang pa ni Sanico nga indi lamang siya ang nakaagi sang harasment bangud siya mismo ang nakasaksi man sa ginahimo nga harassment sa iban nga empleyado nga ginalantaw kontra partido sang karon nga administrasyon.
