Ginhatagan sang financial assistance sang Police Regional Office 6 si anay Police Officer Charlie Sustento kag tatlo pa ka police non-commissioned officers nga ginpang-dismiss sang Ombudsman.
Ini matapos ginserbe ang dismissal order batuk sa mga natungdan nga mga pulis.
Tag-30 mil pesos ang ginhatag nga bulig pinansyal sang PRO-6 kag Regional Advisory Council ukon RAC para sa ila legal battle.
Naghalin ang nasambit nga pondo gikan sa programa sang PRO–6 kag RAC nga dalagan suporta sa kapulisan, isa ka fund raising activity nga nagatuyo mabulig ang mga matino nga mga pulis nga naga-obra gid lamang sang ila trabaho.
ginpasiguro man sang PRO-6 nga nagahugpong ang kapulisan sa rehiyon kon sa diin handa nga magbulig ang regional command sa anuman nga kaso nga ila gina-atubang basta naga-obra lamang sang eksakto.
