Andanar: Duterte’s Year 1 mabungahon

80

Davao City- Gipasigarbo karon ni Presidential Communications Office (PCO) Chief Martin Andanar ang mga dagkung prayoridad o ‘milestones’ nga nahimo sa administrasyon ni Pres. Rodrigo Duterte sulod sa unang tuig niini sa pagpangatungdanan.

Usa dinhi, matud ni Andanar mao kining walay undang nga krusada batok sa pagkuyanap sa iligal nga drogas, kampanya batok kriminalidad, korapsyon ug pagpatunhay sa mas aktibo nga matang sa burukrasya.

Sa interview sa DXDC RMN Davao sa programang Straight to the Point, gibatbat sa kalihim nga gumikan sa aktibong pagbyahe ni Duterte ngadto sa langyaw’ng kanasuran, nakab-ot sa nasud ang commitment sa mga progresibong kanasuran nga suportahan ang mga ‘big ticket’ infrastructure projects’ diin kalakip niini ang pagtukod sa usaka subway system sa Metro Manila ingon man ang pag-establisar sa usaka Mindanao Railway System haron paspasan ang progreso sa habagatang parte sa nasud.


Kahinumdoman nga ubos sa 10-point economic agenda sa Duterte regime gitawag nga ‘Dutertenomics,’ ang mga dagkung proyekto gitumong aron makibrahan ang kawad-on kun poverty gikan sa 21.6% sa 2015 ngadto sa 13-15% sa tuig 2022.

Gisugilon usab sa PCO head nga ang krisis sa Marawi gidumala sa rehimen sa hustong pamaagi apan angay sabton nga ang suliran nga susama niini dili dali nga madistrungka sama sa realidad sa nagpadayong gyera karon sa kabisera sa Aleppo didto sa nasud sa Syria.

PCO Head Martin Andanar cited the major achievements or milestones of the first year of Pres. Rodrigo Duterte’s term specifically the drive versus illegal drugs, war versus criminality, anti-corruption campaign, active & good governance, among others. Andanar mentioned Duterte’s focus on big-ticket infrastructure projects highlighted by subway system and Mindanao Railway works under the so-called ‘Dutertenomics’ development agenda. Andanar likewise said the Marawi Crisis although overextended was however handled well and that the same may not be resolved immediately since the end of wars are, by nature, difficult to forecast.



Facebook Comments