Hindi nagpaapi si Angelica Panganiban nang tawagin siya ng isang netizen na “bobo”.
Nag-ugat ito sa komento ng aktres sa balita ng Rappler hinggil sa utos ng Department of Interior and Local Government (DILG) na tanggalin ang window hours sa pamimili sa umiiral na enhanced community quarantine.
“Sa Tagalog po? Ano po sinasabi?” tanong ni Panganiban sa naturang Instagram post nitong Lunes.
Dito, isang netizen ang sumagot sa kanya ng, “Bobo ka?”
Wala namang prenong sumagot ang aktres ng, “Yes. Matalino ka kasi eh. Bawal magtanong?”
Kinampihan naman siya ng ilang netizens na nagsabing seryoso ang tanong ng aktres at hindi kailangang mang-insulto.
Mayroon pang isang commenter na nagbigay ng paliwanag sa nasabing balita.
Samantala, kamakailan lang, namahagi si Panganiban ng food packs sa mga frontliner sa ilang ospital tulad ng The Medical City at Cardinal Santos Medical Center.
