Sumala ni Police Major Antonio Luy, Station Commander sa Bajada Police Station, usa sa mga ipresenta nila ang dakong posibilidad nga may kalabutan sa negosyo ang motibo sa pagkutlo sa kinabuhi sa 68 anyos nga kanhi pulitiko sa Cateel, Davao Oriental nga si Giselo Castillones.
Apan wala gihapon gipadaplin sa mga imbestigador ang uban pang anggulo tungod nakapangalap pa sila og pulidong mga ebidensiya sa kasolbaran sa kaso.
Matud ni Luy ginaidentipika pa gihapon nila ang gun man nga na-capture sa cctv ug ang usa pa ka suspek nga nagdrayb sa motor nga nagsilbing getaway vehicle sa krimen.
Nagpabilin gihapon ang mga investigators nga nakatutok ug gapangalap pa og mga impormasyon sa Cateel nga alang kang Luy nagsumikad ang tanan sa wala pa mahitabo ang pagpatay sa biktima.
Samtang, buot usab sa pamilyang Castillones nga didto ilubong sa Cateel, Davao Oriental ang biktima nga nakahaya karon dinhi sa dakbayan sa Davao.
RadyoMaN Aimee Guinita
