*General Santos City – Patay ang angkas sa motorsiklo human naligsan ang natumbang punuan sa ipil-ipil sa may Liloha Vill, Conel Road, Barangay Lagao, Gensan alas 11:30 ang takna sa gabie kagahapong adlawa.*
*Ang namatay giilang si Jerry Costal Masunong, 26, construction worker, lumad sa Malita Davao Occidental og kasamtangan nagtinir sa Gimesa St., Barangay Lagao samtang ang angol giilang si Jay Magarzo nga nag-drive sa motorsiklo.*
*Subay sa report pauli na unta ang mga biktima sa ilang panimalay dihang sila nabangga sa natumba nga punuan sa ipil-ipil.*
*Ospital sad ang gidangatan sa duha ka laing mga biktima human natumbahan ug punuan sa ipil-ipil ang traysikad nga ilang gisakyan sa may Liloha Vill., Barangay Lagao.*
*Giila ang mga biktima nga silang si Primo Ranises, driver sa traysikad, residenti sa Prk 1 Conel ug Arnold Genive, 22 anyso estudyante ug residenti sa Barangay Lagao.*
*Nasayran nga gikan sa Barangay Conel ang mga biktima ug padulong unta sa Barangay Lagao apan pag abot sa Liloha Village kalit lang natumba ang punuan sa kahoy kansa nahagsa gyud sa traysikad nga gisakyan sa mga biktima.*
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
