Davao City – Laing disgrasaya ang natala sa may dalang Barangay Bato Toril
ning siyudad nga gikamatay sa pashero sa usa ka single nga motorsiklo.
Biktima naila nga si Elizer Cainghog Apag, 28 anyos reidente sa Greenland
Dumoy ning siyudad.
Bandang ala una sa kaadlawon nahitabo ang insidente samtang ang biktima
niangkas sa motorsiklo sa iyang ig-agaw nga gimaneho ni Elvin Tinio
Cainghog, 38 anyos nga taga-Kilati Toril.
Sumala pa gikan ang motorsiklo sa balay sa biktima sa may Bato Toril ug
naka desisiyon ang duruha nga mosuroy ngadto sa balay ni Elvin bisan pa man
ug lango kini sa ilimnon nga makahubog.
Pag abot nila sa may Sitio Ramihan kalit mi tabok ang usa ka pianasagdang
iro hinungdan nga ila kining naligsan ug nawad an sa kontrol ang motorsiklo
resulta sa pagkalagpot sa mga biktima ngadto sa kalsada ug nabunal ang ulo
niini.
Tungod kay walay helmet ang biktima naka angkon kini ug grabeng bun og sa
ulo nga bahin ug pangos usab sa nagkalain kaing parti sa kalawasan.
Gidala pa ang biktima ngadto sa Davao Mediquest Hospital apan gi deklara na
kining dead on arrival.
RadyoMaN Paul Canono
