Napagkalooban ang mga ka-Radyo nating TODA sa Pasay, Pateros, at Pasig City ng munting regalo na handog ng RMN Networks, RMN Foundation Inc., at DZXL 558 Radyo Trabaho mula sa ACS Manufacturing Incorporated.
Pitumpu’t limang mga tricycle driver mula sa Tupas TODA, DCR TODA, B201 TODA, AMTODA, STROTODA at BSJTODA sa Pasig ang masayang tumanggap ng hygiene kits mula sa ACS na kinabibilangan ng Pride detergent, Unique toothpaste at Shield bath soap.
Labis ang pasasalamat ng mga ito dahil sa kauna-unahang pagkakataon, may nakapansin sa kanila matapos ang tatlong buwang lockdown bagama’t ilan sa kanila, partikular ang mga TODA ng Pateros ay nakatanggap ng sapat na tulong mula sa kanilang lokal na pamahalaan.
Ilan sa mga ito na nakausap ng Radyo Trabaho ay patuloy pa ring umaasa na kahit man lamang sa ikalawang tranch ay makatanggap sila ng tulong.
