Davao city –Panimalos ang gilantaw nga motibo sa Digos City Police Office sa pagpamusil patay kang Ramil Hugan nga Announcer sa Radyo ni Davao Del Sur Governor Dodo Cagas.
Sumala ni Digos City Director Superintendent Demetrius Taypin nga posibleng panimalos ang rason sa pagpatay kang Hugan, alas 9:00 kagabii samtang anaa sa imnanan sa dalang Aurora ug kanto sa Bataan sa maong dakbayan.
Sigun ni Taypin, daghan matud pa nakontra si Hugan apan dili tungod sa trabaho sa media sanglit ang programa ra kuno sa biktima nagahisgot lang sa mga proyekto sa probinsiya.
Sa inisyal nga imbestigasyon, nakahiagom og igo sa dughan ang biktima hinungdan sa iyang hinanali nga kamatayon diin ang mga mamumuno paspas misibat palayo sa crime scene.
Si Hugan kinsa nag-edad og 43 anyos, minyo, adunay upat ka anak, ug nanimuyo sa purok barungoy, Barangay Dawis sa siyudad sa Digos.
RadyoMan Joel Viray
