Duha ka traffic enforcer ang gipangtanggal
Kay ang plaka sa ilang motorsiklo kambal
Nagdanghag lang ang duha ug naghalhal
Nakaloko sa ilang hepe daw nagbugal-bugal.
Anomaliya sa mga traffic enforcer giaksyonan
Desisyon ang pagpapha sa ilang katungdanan
Ensakto ang lakang aron dili sundugon sa uban
CTTMO chief dili konsentidor sa iyang ginsakpan.
Ambot unsay nasulod sa duha sa ilang mga utok
Nasayod man unta sa regulasyon apan nagbinulok
Karon sa nahitabo intawon igo nalang paghinuktok
Pagtulun-an nga kinahanglan sa alimpatakan itisok.
Busa kun kita dunay trabaho angay gayud magtinarong
Likayan nato ang mga anomaliya ug sinalimpangkong
Lisod ang walay panginabuhi sa ulo gayud makalipong
Higugmaa imong trabaho ug ayaw sige ug pabadlong
RadyoMan Erin Lumosbog
