Davao City – Buot ipasusi ni Akbayan Partylist Representative Tom Villarin sa Ombudsman ang mga anomaliya nga nagahitabo sa nagkadaiya nga buhatan sa kagamhanan sama sa Philhealth.
Angay ipadayon sa presenteng gobyerno pinaagi sa Ombudsman ang pag-imbestiga sa anomaliya sama sa 8-bilyon pesos sa Philhealth nga gikalambigitan sa administrasyon ni Pnoy.
Giingon ni Villarin nga ugaling adunay lama sa kamatooran ang alegasyon magdepende na unya sa ombudsman kung magpasaka ba sila og kasong kriminal sa sandigang bayan gawas sa administratibo.
Gipalanog pa sa magbabalaod ang iyang kagustohan nga rebiyohon ang Graft Law aron mailisan ang mga probisyon nga nagpugong sa paglutos sa mga kawatang opisyales sa gobyerno.
Alang ni Villarin, angay pabug-atan ang silot sa mga opisyales nga naghimo og binuang sa ilang katungdan ug kun guilty sila sa kaso dili na sila tugotan makagunit og position sa mga opisina sa kagamhanan.
RadyoMaN Joel Viray
