Ya salva na ataque de granada el antes huwest mientras ya curta el derecha braso del mismo quien ta agara con el explosiva y irido tambien el un pulis durante el explosion ayer na Casa de Saavedra Subdivision in Crispin Atilano Street, Tetuan.
Asegun peleya entre man maridable amo el resulta del explosion donde si Maria Magdalena Dela Cruz quien un stay-in trabahante del antes huwest Ernesto Gutierez ya man pelyahan y su marido si Antonio Pioquinto Dela Cruz, 57.
Asegun con Maria, ya rabya su marido con su subrina del bispera del pascua despues nohay este puede laba su ropa porcausa bien ocupao sila na trabaho.
El diila peleya ya continua hasta ayer donde y hala si Antonio con el pelo del su mujer.
Asegun con Maria ya manda su marido sale na casa consu subrina pero nohay este sosede.
Porcausa con este, ya puede tambien amn cuento si Gutierez hablando que nohay el derecho si Antonio para manda sale masquin conquien ciendo ele el dueño del casa.
Ya continua el peleya di canda Antonio y Maria hasta ayer donde ya hala si Antonio con el pelo di Maria.
Porcausa con este, ya tene que desaleja si Maria y ya anda unpoco lejos pero derepente este ya oyi suena rebentada desde na gate del subdivision.
Base na CCTV ta aparese ya entra si Antonio na su casa que locao afuera lang del subdivision y ya saca consu granada y ya entra na gate donde ya quita este conel safety pin y ya grita pa le con SPO1 Osbert Fernando para desaleha con Gutierez quien aquel tiempop junto ta sinta con el antes huwest.
Pero derepente ya lang ya rebenta el granada na mano di Antonio que ya causa para curta su derecha braso.
Ya iri tambien si Fernando y ambos conele y Antonio ya lleva na hospital.
Si Gutierez ya sostene tambien cuantos irida na su pies.
