Anti-Bastos Law gidayeg

26

Davao City – Welcome development alang sa kababainhan ang Safety Streets and Public Spaces Act kun mas naila nga Bawal Bastos Law nga baguhay lang gipirmahan ni Pangulong Rodrigo Duterte.

Matud ni Mindanao Migrant Center and Empowerment Action Executive Director Inorisa Elanto nga dugang proteksyon ug pagrekognisar sa katungod sa mga babaye ang bag-ong balaod.


Dili na makabinastos ang mga lalake sa mga babaye tungod isipon na nga salaod ang panitsit, sexual harassment ug lawasnong pagtutok, segun ni Elanto.

Nasuta nga dili lang ang mga babaye ang gilabanan sa Bawal Bastos Law apan lakip na ang mga sakop sa Lesbian, Gay, Bisexual and Transgender kun LGBT community.

Apan gibatbat ni Elanto nga unta dili lang ang mga babaye ug LGBT ang proktektado sa balaod apan lakip na unta ang mga kalalakin-an nga mabiktima sab sa lahi-lahi nga pamaagi sa pagbinastos sa uban.

Ang balaod dunay duha ka kategorya sa mga salaod diin sa matag kategorya lahi-lahi ang factor ug level diha sa paghampak og silot sa mga lalake nga makasupak niini.

Una, ang Gender-Based streets and Public Spaces Sexual Harassment dunay silot nga community service sud sa 12 oras, arresto menor, ug pagkapreso sud sa onse hangtud traynta ka adlaw sa 3rd offense.

Ang mga lalake nga mamalikas, magluwat og unwanted remarks, lawasnong binuang ug uban pa ngadto sa bisan asang sa nahisgutang hut-ong mag-atubang og silot.

Mas bug-at nga silot ug pagkapreso sud sa unom ka adlaw ang ipahampak sa mag-stalk, magpakita og pribadong parte, magmasturbate, panghikap ug pagpanaway sa lawas sa mga babaye ug sa LGBT.

Ikaduha, ang Gender-Based Online Sexual Harassment dunay multa nga 100 thousand hangtud one milyones ka pesos ug pagkapriso gikan sa unom ka buwan hangtud usa ka tuig.

Ang paghulga, cyberstalking, ang pag-upload ug pagshare sa photos online nga walay pagtugot, pag-impersonate, pagpost og bakak ug filing false abuse reports salaod na kini sa bag-ong balaod.

Nasayran nga tuig 2017 pa nakalusot sa senado ang Bawal Bastos Law kansang ang main author niini mao si Senadora Risa Honteviros apan karong tuiga lang napirmahan ni Pangulong Duterte.

RadyoMaN Joel Viray

Facebook Comments

From Advertisers