Anti-COVID powers gisita

18

Davao City – Wala na kinahanglana pa nga hatagan og emergency power si Pres. Rodrigo Duterte aron tapuson kun sulbaron ang coronavirus disease 2019 kun COVID-19 sa nasud.

Nabalaka ang Kalipunan ng Damayang Mahihirap kun KADAMAY Davao City nga basin mahimong unang lakang ang emergency power sa pagdeklara og martial law sa Pilipinas gamit ang sitwasyon sa COVID-19.


Dili kampante si Kadamay Davao Focal Person Toto Bulcan sa pamuno nasud kay basin kalit lang ipaubos sa balaud-militar sa nasud kung tugyagan kini og emergency power nga gituki karon sa Kongreso.

Gani karon pa lamang, mura na og martial law ang kaulohan bisan kon wala pa mahatagi og emergency power ang Pangulo tungod sa lockdown ug pagkatag sa mga pulis ug mga kasundalohan.

Hinoon segun ni Bulcan, maayo unta ang emergency power kung ang katuyuan niini mao ang pagtapos sa COVID-19 sa nasud apan gumikan sa dili maayo nga kasinatian sa martial law.

Dili na kinahanglan pa ang dugang gahum kung ang usa sa mga tinguha mao ang pagkontrolar sa presyo sa mga nag-unang palaliton sa punto nga sa karon pa lang gani madiktihan naman sa nasudnong gobyerno ang mga kumpanya ug korporasyon dinhi sa Pilipinas

RadyoMaN Joel Viray


Facebook Comments