Davao City- Pabor si Citizen Against Crime Poverty And Corruption convenor Butch Mendoza nga ma-legalized ang Marijuana sa nasud kung ang tumong himoon ug gamiton lang nga tambal kun medisina.
Kung ang medisina nga gama sa marijuana makaayo sa aids, kanser ug daghan pang uban dakong uyon si Mendoza sa lakang sa kongreso nga ma-legalized ang mao nga droga.
Aron masanta ang abuso sa marijuana sigurohon nga muagi sa makuti nga proseso ang paghimo sa tambal apan limitahan ang drug laboratory ug istriktohan ang pagbaligya niini gawas kun may prescription gikan sa doctor.
Kumbensido si Mendoza nga adunay medical benefits mapupo sa marijuana nga epektibo muayo sa mga balatian apan dapat limitahan ang mga sakit nga puwede alibyohan sa medisina niini.
Ugali ma-legalized man ang marijuana did-an ang mga tawo sa paggamit og dahon ani aron dili ma-adik ang kadaghanan hilabi na sa mga batan-on nga ma-ingganyo sa pagsimhot ug pagpayuhot niini, dugang ni Mendoza.
RadyoMan Joel Viray
