Davao City-Wala buhii nila Vice President Leni Robredo, Riza Hontiveros, Franklin Drilon, Sonny Trillanes, ug uban pa ang paggamit sa kamatayon ni Kian Delos Santos aron pakaulawan ang administrasyong Duterte sa war on drugs niini.
Sa miaging mga adlaw, personal mibisita si VP Robredo ug si Hontiveros sa haya sa batan-on aron ipakita ang ilang simpatiya sa pamilya sa ingon mugawas nga dautan ang drug war sa gobyerno.
Apan sigun ni Victims of Justice Criminality and Terrorism Convenor Arthur Tariman,ang reaksyon sa mga nahisgutan bunga lang sa ilang pagka-reaksyonaryo nga diin kung walay pagtay-og dili sab mulihok.
Sumala ni Tariman, gikapital og maayo sa kontra partido ang kampanya kontra droga aron paawayon ug pasuk-on ang mga Pilipino batok sa kagamhanan karon.
Aron dili na makabinta ang taga-oposisyon,angay usbon ni PRRD ang iyang pamaagi sa giyera sa droga pinaagi sa paghatag og panahon sa mga drug offenders nga mag-usab sa ilang mga kaugalingon.
Ug labuton ang nagkada-iya nga sektor sa katilingban pabor man o supak maingon man ang simbahan ug ang kanhing mga adik aron makatabang sa pagsulbad sa suliran sa droga sa nasud, dugang ni Tariman.
Adunay teyorya sa mga nag-obserba sa dagan sa giyera kontra droga nga posible dunay mga grupo nakigkunsabo sa pipila ka pulis aron lawgawon ang gobyerno pinaagi sa pagpatay sa mga drug suspek ug mamagan sa mga inosente.
Ug ehimplo niini si Kian Lloyd kinsa gibitad sa tulo ka pulis sa Caloocan City Police paingon sa basketball court kung asa adunay nakamuntar nga cctv camera sa barangay hall ayha gihila sa suok diin napatay ang batan-on.
Nakapangutana ang pipila,dili ba kaha nagkasabot ang mga sindikato ug ang kontra partido diha sa pagsamok sa gobyerno sa ingon magprotesta ang mga tawo ug manawagan nga palagputon sa pwesto si Pangulong Duterte?
Busa wala gipadaplin ni Tariman ang posibilibad nga migasto og minilyon ka pesos ang sindikato sa droga sa pakig-alayon kontra partido aron sabotahion ang kagamhanan gamit ang isyu sa droga.
Walay lauman nga parehas nga resulta sa imbistigasyon kung pangunahan sa PNP ug NBI ang pagduki-duki sa kaso ni Kian Lloyd Delos Santos.
Ug labaw na nga walay pagsalig si Tariman sa imbistigasyon sa senado sa katarungan nga pulos pamuliti-ka lang ang himoon sa mga senador ug mapadong sa walay hinungdan ang lakang sa senate majority bloc sa kaso sa batan-on.
Kasamang Joel Viray
