Davao City – Nagpahimangno karon ang Regional Anti-Cybercrime Unit (RACU) sa katawhan labot sa mga modus og scams online labi na karong holiday season.
Sa interbyu sa DXDC RMN Davao kang Police Captain Julius Santillana sa RACU-XI, nagpahimangno kini sa publiko nga likayan ang pag-abri sa mga links/sites nga ginapasa sama na lamang sa Facebook sama sa new year greetings sa messenger.
Gibutyag niini nga angay nga https ug dili lang http ang hyperlink/s sa usa ka site aron malikayan ang Malware kun malicious software nga makadaut sa computer o sa imong files.
“Kailangan pag mga hyperlinks siya, kailangan na naka https siya para safe ‘yung site na pinupuntahan,” saysay ni Santillano.
Angay usab nga gilayong ilisan ang password sa imong online banking portals ug social media accounts aron malikayan ang modus nga pagkuha sa imong mga personal nga mga impormasyon.
RadyoMaN Kirby Manzon
