Davao City – Gitambagan sa Davao City Police Office ang mga motorista nga dili magmaneho sa ilang mga motorsiklo o bihekulo kung hubog, aron dili madisgrasya sa pagsugat sa bag-ong tuig.
Gibutyag ni DCPO Spokesperson Police Captain Hazel Tuazon, gimandoan na usab ni City Director Police Col. Alberto Lupas ang mga sakop sa Traffic Enforcement Unit nga walay mag-leave aron adunay igong personahe nga magmonitor sa mga motorista nga mosuway og padagan sa ilang mga sakyanan bisan og hubog.
Sigun ni Tuazon, hugot gipatuman sa TEU, ang Anti-Drunk Driving Act sa mga kadalanan sa ingon walay maduguong disgrasyang matigayon, samtang maglawig diha sa mga dalan sa dakbayan.
Giangkon ni Tuazon, mitaas ang kaso sa mga disgrasya sa dalan sa syudad karong tuiga, apan dili masuta kon sagad ba sa mga driver nga nalambigit, naka-inom ba o wala ilabi na nga walay kaugalingong liquor test machine ang mga police enforcers.
RadyoMaN Joel Viray
Facebook Comments
