Anti-Drunk Driving Law i-intensify sa CTTMO

28

Davao City- Gipakusgan sa City Transport and Traffic Management Office (CTTMO) ang pagpanakop sa mga hubog nga mag-drive sa mga kadalanan.

Matud ni CTTMO chief Dionisio Abude, mutabang ang mga Traffic enforcers sa kapulisan sa kampanya kontra Drunk Driving sa syudad subay sa panawagan ni Davao City Mayor Sara Duterte.


Gimanduan ni Abude ang mga enforcers nga susihon gayon ug dili palutson ang mga posibleng mga nakainom nga mga drivers.

“Naa may instruction si Mayor maong gi-meeting nako akong mga tao nga bisan pa man sa ilahang ka-busy muhatag sila’g time para niining overspeeding ug drunk driving,” sumala ni Abude.

Matud ni Abude kung adunay mga gisuspetsahang mga nakainom nga driver ilaha kining pahunongon ug gamit ang breath analyzers sa pulis o LTO i-test kini.

Nagpahimangno kini sa publiko nga musunod sa mga balaod trapiko aron luwas ug makalikay sa disgrasya.



RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments