Davao City – Kabahin sa demokrasya sa nasud ang mga pagsaway nga naangkon sa kasamtangang administrasyon gikan sa mga kritiko.
Sumala ni criminal lawyer Atty. Leonard Cagatin Jr., kung adunay katungod si Mocha Uson nga manaway sa mga kritiko ni Pres. Rodrigo Duterte, katungod usab sa taga-oposisyon nga sawayon ang liderato niini isip kabahin sa ‘freedom of speech.’
Giklaro usab ni Cagatin nga adunay gibasehan ang pagpanakop sa mga tambay nga gimando sa presidente ngadto sa kapolisan tungod sa kalapasan sa mga ordinansa sa matag lugar.
Samtang sa hisgutanang extra judicial killings batok sa pangulo, walay igong gibasehan hinungdan nga wala kini milahutay ug ang isyu kabahin sa West Philippine Sea nahimong kontrobersyal tungod kay komplikado kaayo kini nga hisgotanan ug senaryo.
RadyoMaN Bernard Pantallon
