General Santos City—Patay ang usa ka suspetsadong pusher nga giilang si Ismaon Tantong Aminola, legal age, residenti sa Polomolok, South Cotabato human misukol sa kapulisan atol sa gihimong buybust operation sa Polomolok PNP sa may Purok Makisama-B, Upper Matin-ao, Polomolok alas 6:10 ang takna kagabie.
Sumala ni Police Chief Inspector Alex Joe Orcajada, Chief Of Police sa Polomolok PNP nga dihang gihimo ang buybust operation, misukol matud pa ang suspek mao nga napusilan sa iyang tropa.
Narekober sa lugar ang (1) ka sachet sa gituohang shabu; marked money nga P500.00; Cal. 38 ug mga fired cartridge.
Gikumperma ni PCI Orcajada nga notado nang pusher si Aminola sa Polomolok, lambigit sab kini sa kasong pagpatay, carnapping ug robbery.
Facebook Comments
