ILIGAN CITY- Nagpahimangno karon ang buhatan sa Anti-Littering Task Force sa katawhan sa iligan labot sa ilang padayon nga pagpanikop sa kadalanan niadtung magpamataka lang ug labay sa ilang basura.
Kini human daghan pa gihapon ang wala masayod sa ilang pagpatuman sa maong ordinansa kun asa sikopon kadtung pataka lang ug labay sa ilang mga basura sa kadalanan.
Matud ni Mr. Sean Actub, head sa anti-littering task force nga pabilin ang pwersa sa iyang mga sakop nga anaa sa kadalanan karon aron magbantay niadtung walay mga disiplina.
Hinungdan nga nanawagan karon si Actub sa katawhan nga ilabay sa insaktong basurahan ang ilang bitbit nga basura aron dili masikop ug makabayad ug multa didto sa city hall.
(photos from: https://www.facebook.com/cgra.catalyst)
Facebook Comments
