Davao City – Gipaniguro karon sa City Health Office (CHO) nga luwas ang bakuna alang sa anti-measles kun tipdas. Kini human nga adunay mga mahadlok nga magpabakuna tungod sa isyu sa Dengvaxia vaccine nga anti-dengue.
Sa pakighinabi sa DXDC RMN Davao kang CHO head, Dr. Josephine Villafuerte, gisaysay nga sukad pa sauna anaa na ang anti-measles vaccine ug kini napamatud-an na nga makatabang sa paglikay sa maong balatian.
“Itong measles vaccine kasi, matagal na ito sya. Gamay pa ko, naa nay measles vaccine. The same gihapon ang ginagamit nato. Known na ang measles vaccine nga maayo sya, it doesn’t cause you, yung ginatakutan nato nga tambal.” saysay ni Villafuerte.
Sa karon, matud pa sa CHO head nga ginapataas sa ilang buhatan ang kampanya sa pagpabakuna batok tipdas labi na nga nagdeklara na og measles outbreak ang Department of Health (DoH) sa National Capital Region (NCR) ug uban pang lugar sa nasud.
Unang nang nagpahimangno ang opisyal nga dili mo-kumpyansa sa maong makatakod nga sakit tungod kay aduna nay ‘history’ ang Davao City labot niini.
RadyoMaN Kirby Manzon
