Magapadala ang Police Regional Office 6 sang anti-riot police sa Isla sang Boracay agud magbantay sang kalinong kag katawhay samtang ginapaidalum sa rehabilitasyon ang isla.
Ginpahayag ni Police Chief Inspector Joem Malong, spokesperson sang PRO-6 nga kalakip sa igapadala ang 139 ka mga pulis nga assign sa Civil Disturbance Management Unit nga nag-graduate sa ila training kahapon sang aga sa Campo Delgado.
Suno kay Malong nga igadul-ong subong nga Sabado sa isla sang Boracay ang nasambit nga anti-riot policemen.
Nahibaluan nga pagasiraduhan na ang isla sang Boracay umpisa sa Abril 26 sa mandu ni Presidente Rodrigo Duterte agud ipaidalum ini sa rehabilitasyon.
Facebook Comments
