Davao City – Mireklamo sa Talomo Police Station ang usa ka marketing manager sa usa ka recruitment agency batok sa hepe sa Anti-Scam Unit sa Davao City Police Office (DCPO).
Sa blotter sa Talomo PNP, gireklamo ni Irene Laureano, 32 anyos, dalaga, marketing manager sa usa ka recruitment agency nga nahimutang sa GSIS Heights Matina, Davao City, batok ni Police Chief Insp. Simplicio Sagarino, hepe sa Anti-Scam Unit sa Davao City Police Office (DCPO) ubos sa City Mayor’s Office.
Sumala ni Laureano nga kalit siyang gitext sa celphone ni PCI Sagarino nga paadtoon sa buhatan sa anti-scam aron adunay mga butang ipaklaro.
Matud ni Laureano nga bisan iyang gibalibaran sa imbitasyon ang hepe sa anti-crime nag sige gihapon kini’g padala’g mensahe sa cellphone.
Muadto lamang kuno si Laureano sa Anti-Scam Unit sa DCPO kun adunay pormal nga sulat imbitasyon gikan sa maong buhatan ug dili ipaagi sa text mesages ingun tawag sa cellphone.
RadyoMaN Erin Lumosbog
