Davao City – Padayon gihapon sumala pang nagaduol sa Anti-Scam Unit ang mga indibidwal nga nabiktima sa investment schemes sa Davao region.
Sa interbyu sa DXDC RMN Davao kang Simplicio Sagarino, Anti-Scam Unit head, gibutyag niini nagapahimo sumala pa ang nahisgutan og demand letter o kadtong nabiktima sa investment schemes subay sa listahan sa Criminal Investigation and Detection Group (CIDG) ug National Bureau of Investigation (NBI).
“Sige pa man sila’g anhi diri, kanang nagapahimo og demand letter para mukuan sa ilahang mga investment nga nabutang didto sa company nga ilang gibutangan,” saysay ni Sagarino.
Gibutyag ni Sagarino nga gihatagan usab sumala pa sila sa mga biktima og kopya sa na file na nga kaso diin sagad niini ginapaabot nalang nga mugawas ang warrant of arrest.
Dugang sa opisyal nga oras nga ma-release na ang warrant of arrest, kini na ang panahon nga magtibangay na ang CIDG, NBI, ug kapulisan aron masikop ang mga responsible sa maong scam o pagpangilad.
RadyoMaN Kirby Manzon
