Davao City – Subling gipahinumdom sa mga kasimbahanan sa syudad sa Davao ang ‘culture of security’ sa dakbayan sa pagbatok sa unsa mang hulga sa terorismo subay sa Executive Order (EO) number 41 sa City Mayor.
Kagahapong adlawa (July 7, 2020), gipulong ang mga representante gikan sa 43 parishes, simbahan ug sa San Pedro Cathedral labot sa pagbatok sa hulga sa terorismo labi na nga gitugot na ang simba sa syudad luyo sa (Coronavirus Disease 2019 (COVID-19).
Gitambongan ang aktibidad sa mga security personnel, Parish Disaster Action Response Team (PDART), secretary ug personnel gikan sa lain-laing Diocesan Churches sa syudad.
Gipasabot usab sila sa bag-ong anti-terror campaign nga gilusad sa City Government of Davao nga “May Nakita, Dapat Magsalita!”
Kini aron subling mapahinumdom sa tanang Dabawenyo sa ilang responsibilidad sa pag obserba ug pag report sa otoridad sa unsang butang ug indibidwal nga kadudahan.
RadyoMaN Kirby Manzon
