Davao City- Gidayeg ni Philippine National Police (PNP) chief Director General Ronald “Bato” dela Rosa ang gihimo nga SIMEX kun Simulation Exercise sa mga law enforcement diin gisugdan kini kaganinang alas 7:00 sa buntag natigayon sa Abreeza Mall, Bajada siyudad sa Davao.
Sumala ni dela Rosa nga usa ka maayo ang scenario nga gipakita sa kapulisan sa ilang sa presentasyon ug parte kini sa pagpangandam kun ugaling adunay hulga sa terorismo.
Kaganina, gipakita ang upat ka scenarios pinaagi sa video sama sa hostage taking sa airport, pag-ambush sa kapulisan, high jacking sa Sta. Ana warf ug pag-atake sa Baguio Police Station.
Giingon ni dela Rosa nga human sa SIMEX nga gipahigayon dinhi sa Davao, laumang himuon usab kini sa kaulohan sunod bulan.
Radyoman Don Pulayao
