Davao City – Suportado sa mga kapitan sa brgy dinhi sa syudad sa Davao ang pagahimuong simultaneous anti-terror exercises kun gitawag nga Task Group Southern Storm.
Usa na dinha si Kapitan Levi Fortuna sa Brgy. Lubogan, Toril ning syudad sa Davao diin suportahan niya ang maong aktibidad nga himuon karong February 5-8 alang usab sa ikaayo sa ilang komunidad.
“100% gyud mi musuporta sa lakang sa gobyerno alang sa ikaayo sa among Brgy. ug sa katawhan,” sigun ni Fortuna.
Kahindumuman nga gi-awhag ni Davao City Mayor Inday Sara Duterte-Carpio ang katawhan lakip na ang partisipasyon sa mga opisyal sa Barangay aron ipahibalo sa komunidad nga ang Southern Storm Drill magkinahanglan nga ipalaiwom sa lockdown ang syudad.
Sumala pa ang Davao City maoy pilot area sa maong aktibidad diin gidawat sa Mayor ang nasangpit nga inisyatibo sa security forces aron masukod ang interagency ug community preparedness.
RadyoMaN Renz Barbarona
