Davao City – Gikinahanglang adunay mas bug-at nga balaod sa nasod kontra sa nagpadayong hulga sa terorismo ilabina sa Mindanao.
Gisuportahan ni Davao City Mayor Sara Duterte-Carpio ang Anti-Terrorism Bill sa pagpalig-on sa mga lakang kontra terorismo alang sa igong proteksyon sa katawhan.
“Kitang tanan we look forward to the day na dili nata kinahanglang mahadlok nga adunay ambush-on, patyon, dunay bombahan kanang mga ingon ana nga terrorist acts diri sa atoa,” segun ni Mayor Sara.
Segun sa Mayor, nagpadayon ang pakigbatok sa Davao City kontra sa mga terroristic attacks sukad pa sa mga nilabay’ng mga panahon.
“We have experienced terrorism acts and we continue to fight terrorism today, it’s an everyday thing for us diri sa Davao City because of our location and because of our history. Kinahanglan nga duna gyuy mas kusog pa nga balaod nga we can rely on to help us fight terrorism. It’s a global problem and it’s very present diri sa atong syudad,” dugang sa alkalde.
Gilantaw sa Mayor nga mapasar ang Anti-Terrorism Bill tungod kay posibleng mahitabo pag-usab ang Marawi Seige kung magpabiling luag ang balaod kontra sa mga terorista.
RadyoMaN Aimee Guinita
