Davao City – Nagpahimangno ang Task Force Davao sa publiko nga dili magpataka og bilin sa ilang mga kagamitan sa pampublikong lugar o sa mga sakayanan.
Sa interbyu sa DXDC RMN Davao kang Task Force Davao Commander Col. Consolito Yecla, gisulti niya sa gilusad nilang random bus boarding ilang gipaniguro nga wala gayu’y mga unattended baggages sulod sa mga bus units ug ilang ipanawagan ilabina sa mga pasahero.
Gipahugtan sa Task Force Davao, ang seguridad tungod nagpabilin ang hulga sa extortion ug IED attacks sa mga bus companies human sa Tulunan, North Cotabato explosion.
Sumala ni Yecla masilotan ang mga tag-iya sa mga unattended baggages ilawom sa Anti-Unattended Bag Ordinance sa dakbayan sa Davao.
Pinasikad sa Anti-Unattended Bag Ordinance, moabot sa P5,000 ang multa or usa ka bulan nga pagkapriso depende sa discretion sa korte ang bisan kinsang magbilin og unattended bag nga maka-cause sa alarm ug panic.
“To ensure na iyong mga terorista hindi magkaroon ng pagkakataon na mag-plant ng IED sa mga bus na pumapasok sa Davao.
Nanawagan si Yecla nga i-obserba ang culture of security, kung adunay kadudahan o mga suspisyusong mga tawo o kagamitan i-report gilayon kini sa mga awtoridad
RadyoMan Aimee Guinita
