Davao City – Daku ang pagtoo ni Lapu-Lapu, Agdao Barangay Chairman Romeo Evangelista nga daghang mga bana ang motumaw aron ireklamo ang ilang mga abusadong asawa nunot niining ginaduso nga balaudnon ni Rep. Fidel Nograles nga House Bill 4888 giilang Anti Violence Against Partners and their Children kun Anti-VAPC Bill.
Sumala ni Evangelista, pabor siya ning naasoyng balaudnon aron mahatagan usab og igong proteksyon ang mga bana nga ginadapatan sa ilang mga asawa sa pisikal, emosyonal o pinansiyal.
Giklaro ni Evangelista nga sa iyang barangay, adunay mga bana nga under sa ilang asawa tungod kay ipaagi na lang nila sa pag-inom-inom aron ingnon nga isog ug dili mabulgar.
Uyon usab ang kapitan sa probisyon nga kalapasan ang pagkumpiskar o pugson sa asawa nga embargohon sa asawa ang ATM card sa bana tungod kay wala na kiniy pagrespeto sa iyang partner.
RadyoMaN Bernard Pantallon
