Antonio C. Acharon Memorial Park, walay bakanteng nitso

353

General Santos—Nagpabiling sirado ang Antonio C. Acharon Memorial Park (ACAMP) gumikan wala nay available nga mga nitso. Kini ang gibutyag ni Mary Ann Bacar, ang labaw sa City Housing Office.

Sumala niya nga natapos na ang bidding ug wala na sa Bids And Awards Committee ang pagsuta kung kanus-a masugdan ang Construction gumikan anaa na kini sa buhatan ni Gensan City Mayor Ronnel Rivera.

Gani nakatakda niyang sutaon sa Chief Of Staff sa mayor kung kanus-a ihatag ang notice to proceed sa kontractor aron nga masugdan na ang paghimo sa mga nitso.


Dugang pamahayag ni Bacar, nga sa kasamtangan, ang mga available nga nitso sa ACAMP ang alang sa mga bata ug deende sa mgasigo mga nitso.

Apan, gibutyag niini nga higayon nga adunay matapos nga bisan usa ka gatos nga nitso, andam sila nga mag re-open sa ACAMP kung hatagan ug pirmiso sa COA. (Lore Mae Romualdo)

Facebook Comments