Roxas City, Capiz – Anum na ka mga banwa sa Capiz lakip ang Roxas City ang nakapasar sang resolusyon nga nagadeklarar sa Communist Party of the Philippines-New Peoples Army-National Democratic Front(CPP-NPA-NDF) bilang persona non grata. Sa eksklusibo nga pagpakig-angot sang DYVR RMN Roxas, ginpahayag ni CPPO Provincial Director Col Julio Gustilo Jr. nga kalakip sa nasambitan nga mga banwa amo ang Cuartero, Dao, Jamindan, Panit-an, Pilar, Pontevedra kag syudad sang Roxas.
Ini ang nagakahulogan nga “indi welcome” sa amo nga mga munisipyo nga magsulod sa nasambitan nga mga lugar ang mga aktibidades sang mga katapo sang
CPP-NPA-NDF.
Suno kay Gustilo, ang amo nga resolusyon ang kabahin lamang sang pagpakita sang mga local government units(LGUs) nga nagasuporta sa ginpapanaog ni Presidente Rodrigo Duterte nga Executive Order # 70 nga nagatukod sang Task Force ELCAC ukon End Local Communist Armed Conflict.
photo(c)-Capiz PPO Pcads
