Patay ang anum ka tawo sa natabo nga sunog las kwatro kaina sang kaagahon, November 26, sa Java Pension House (anay Bascon Hotel), sa dalan Gonzaga-Locsin, syudad sang bacolod.
Ginpahayag ni Bacolod Fire Marshal Publio Ploteña nga lima ka mga bangkay ang nasapwan sa second floor, tatlo diri ang lalaki, lakip na ang isa ang menor de edad kag duha naman ang babaye. Samtang ang isa naman ang nasapwan sa ikatatlo nga panalgan.
May pila naman ka mga guests nga gindala sa ospital lakip na ang isa ka Australian national.
Suno sa isa ka empleyado, puno ukon occupied sang mga guest ang halos tanan nga mga kwarto sang amo nga apat ka panalgan nga pension house kag pila sa ila ang nakagwa pinaagi sa bintana.
Dugang pa sang otoridad nga partially affected ang ground floor samtang ang iban nga panalgan ang totally gutted by fire.
Gin-declare nga fire out ang sunog las 9:15 sini nga aga. (RMN News)
