Apat ka mga atleta sang Aklan sa WVRAA, nag positibo sa dengue

Padayon nga gina obserbahan ang apat ka mga atleta sang Aklan sa Western Visayas Regional Athletic Association (WVRAA) 2019 matapos nga nag positibo sa masakit nga dengue.

Sa pagpakig-angot sang RMN DYVR Roxas kay Dr. Rhoby M. Fernandez, Medical Officer III nga tatlo ka mga lalaki ang gina obserbahan sa Roxas City Provincial Hospital kag ang isa ka babaye ang gindala sa Aklan Provincial Hospital.

Dugang pa ni Dr. Fernandez nga gina imbestigahan man kon sa diin gid maghalin ang sakit sang mga ini nga dengue bangud sang Pebrero 17, pag halin sa Aklan, may hilanat na ang atleta nga babaye kag ginsundan sang tatlo ka mga atleta nga lalaki.


Sa karon suno kay Dr. Fernandez, ara na sa estable nga kondisyon ang mga atleta.

(photo from the web)

Facebook Comments