All accounted na ang apat ka mga detainees nga damlag pa nagpalagyo halin sa custodial facility sang Police Station 3 kahapon sang kaagahon.
Pasado las 4 kaina sang kaagahon sang nagsungka ang ikaapat nga detainee nga si Jeffrey Elangos, residente sang Brgy. Banago, Bacolod City kag may kaso nga rape matapos gin-engganyo sang iya pamilya nga mag-surrender na sa utoridad para sa iya safety.
Nahibaluan nga ang tatlo ka iban pa nga nagsungka kag balik selda amo sanday Ely Lorence Sazon, 20 anyos, residente sang Brgy. Banago, Sunny Capa kag Michael Peñoso.
Madumduman nga sanday Sazon kag Capa ang magkaupod nga nadakpan sadtong December 21, 2019 sa isa ka buybust sa Bangga Subay, Brgy. Banago kag nakuha sang 9 million pesos nga balor sang suspected shabu.
Sa pihak nga bahin, ginpasiguro naman ni Police Station 3 commander – Police Major Ruel Culanag nga may pagahimuon siya nga innovation sa diin pagabutangan sang double steel bars kag igapa semento ang kilid nga bahin sang detention cell para indi na masulit pa nga may makapalagyo nga priso.
[image: image.png]
