Mambusao, Capiz – Apat ka mga taga-banwa sang Mambusao ang nagpositibo sa corona virus disease basi sa ginpaguha nga kumpirmasyon sang Mambusao COVID 19 Task Force./ Ang mga bag-o nga nagpositibo nga mga persona ang ginalakipan sang:
1. 41- anyos nga lalaki nga taga Barangay Bating nga naga-obra sa isa ka bangko sa syudad sang Roxas. Nagguha ang resulta nga positive sang Agosto 26, 2020. Kag sa amo nga tiun, siya ang ara sa Iloilo kag naga-self isolate sa ila nga opisina. Kahapon Huwebes nga adlaw, siya ang gin-transfer halin sa Iloilo sa isolation facility sang asymptomatic cases sa Roxas City.
2. 64- anyos nga lalaki nga taga Barangay Poblacion Proper, isa ka personnel sang LGU nga may yara sang direct contact sa nagpositive nga kaso sa Provincial Capitol. Ang tanan nga close contact umpisa sang Lunes, Agosto 24, 2020 ginpaidalum ini sa quarantine kag nag-swab testing naman. Siya ang kaupod sang iya pamilya nga gintransfer sa quarantine facility para sa asymptomatic cases. Kag sa subong ini nga pasyente isa ka asymptomatic case ukon wala sang nabatyagan nga ano man nga sintomas nahanungod sa COVID-19.
3. 19- anyos nga babaye nga taga Barangay Atiplo. Ini ang may history of travel sa Roxas City sang Agosto 9, 2020. Bata sang patient nga 47 years old nga babaye . Ang amo nga babaye ang ginpanugyanan nga magpauli para magquarantine. Siya ang ginpaidalum sa quarantine kag gin-swab test sadtong Agosto 21,2020. Siya ang nagapabilin nga asymptomatic.
4. 47- Anyos nga babaye nga taga Barangay Atiplo. Siya ang may history of travel sa Roxas City August 9, 2020, Nanay snag confirmed case nga 19-anyos nga babaye. Siya manakara naka admit sa RMPH kag naga pabilin nga symptomatic. Sa subong, ginmando na ang pagsara sang talatapan sa Mambusao LGU tubtub mag guwa ang resulta sang mga direct contacts sang mga nagpositibo nga LGU personnel.
