Nadagdagan pa ang mga lugar sa Quezon City na inilagay sa Special Concern Lockdown dahil nakitaan ng mataas na bilang at clustering ng COVID-19 Cases.
Dahil dito, umakyat na sa 11 ang mga lugar na isinailalim sa special lockdown sa lungsod matapos madagdag ang Sitio Ruby sa Fairview, ang 5-A Cenacle Compound sa Brgy. Culiat, 223 Mariveles St. sa Paang Bundok at 238 Mayon Avenue sa Maharlika.
Base sa huling kalagayan ng mga city-owned hospital sa lungsod, tanging ang Novaliches General Hospital ang puno na ng COVID-19 patients.
Habang ang Rosario Maclang General Hospital na mayroong 31 total bed capacity ay may 23 pang naka-admit na pasyente.
95 naman ang sa QC General Hospital na mayroong 103 total Bed Capacity.
Bukod sa mga ospital, kaya pa ring tumanggap ng mga COVID-19 positive at suspected cases ang tatlong quarantine facility ng lungsod.
