Natuloy pa rin ang victory party ng Toronto Raptors sa kabila ng insidenteng pamamaril na ikinasugat ng apat na tao ngayong araw, oras sa Pilipinas.
Nangyari ang pamamaril malapit sa City Hall square kung saan ginaganap ang selebrasyon ng Raptors kasama si Canadian Prime Minister Justin Trudeau at iba pang opisyales mula sa pamahalaan. Ilang oras naantala ang parada dahil biglang nagkagulo ang publiko.
Habang nasa stage sina Trudeau at NBA Finals MVP Kawhi Leonard at iba pang manlalaro, hinimok ng emcee manatiling kalmado ang mga tao dahil sinisiyasat maigi ng otoridad ang insidente.
Sa Twitter post ng Toronto Police, tiniyak nilang maayos ang lagay ng apat na biktima kahit matindi ang tinamong tama.
SHOOTING:
Nathan Phillip’s Square
**Update**
-4 victims located
-None of the injuries are life threatening
-3 people arrested
-2 firearms recovered
-Investigators wish any video to assist in investigation
-Please use portal: https://t.co/NGv3aZdlDO
^dh— Toronto Police OPS (@TPSOperations) June 17, 2019
Samantala, pinasalamatan ni Trudeau ang mabilis na pagresponde ng Toronto Police. Aniya, walang sinuman makakapigil sa selebrasyon ng bansa.
I hope all those injured in today’s shooting have a speedy recovery, and I’d like to thank the Toronto Police for acting so quickly. We won’t let this act of violence take away from the spirit of today’s parade.
— Justin Trudeau (@JustinTrudeau) June 18, 2019
Pakiusap ni City Councillor Joe Cressy, huwag sirain ang masayang pagdiriwang ng madla at ng NBA Finals Champion team.
Toronto, more than a million of us flooded the streets today to celebrate our Raptors. People of all every age, every race, every religion – our City. As awful as the shooting was and terrifying for many in the crowd afterwards, don’t let it take away from our moment. #WeTheNorth
— Joe Cressy (@joe_cressy) June 17, 2019
Kasalukuyan iniimbestigahan ang tatlong taong naaresto. Humihingi din ng tulong ang pulisya sa mga taong nasaksihan o nakuhanan ng video ang malagim na pangyayari.
