Davao City – Gilayong gi-respondehan sa Provincial Disaster Risk Reduction and Management Office (PDRRMO) ang mga apektado’ng lugar sa Davao Oriental human mi-landfall si bagyong Vicky sa Baganga sa maong probinsya alas-2 kagahapon sa hapon (December 18, 2020).
Ayha pa man mi-landfall ang bagyo, nagbaton na og Pre-Disaster Risk Assessment sa PDRRMO Operation Center sa pagpanguna ni Davao Oriental Governor Nelson Dayanghirang.
Anaa sa 2,000 foodpacks ang gipang apod-apod sa mga apektadong areas samtang mi-responde gilayon ang lain-laing ahensya sa gobyerno.
Sa inisyal nga report sa PDRRMO, adunay natalang landslide sa pipila ka areas sa probinsya partikular na sa Sitio Tambis, Barangay Sibajay ug Sitio Tigbawan, Barangay Kawayanan sa munisipalidad sa Boston ug Barangay Maglahus sa Cateel.
RadyoMaN Kirby Manzon
