Davao City – Nakadawat na og tabang ang mga residente nga naapektohan sa buhawi sa Barangay Bagong Negros, Kiblawan, Davao del Sur niadtong Nobyembre 25, 2022.
Sa interbyu sa DXDC RMN Davao sa Municipal Disaster Risk Reduction and Management Office (MDRRMO) sa Kiblawan, gibutyag nga upat (4) ka mga balay o anaa sa 16 ka indibidwal ang apektado sa kalamidad nga dali usab nga natunolan og tabang sa lokal nga panggamhanan sama sa shelter kits ug foodpacks.
Samtang nitunol na usab og ayuda ang Department of Social Welfare and Development (DSWD) sa apektadong residente.
“Naa nay (nahatag) kadtong mga food packs. Pila na ka hugnaan ang nahatag kay nagkuan man pud mi ato sa DSWD. Nagahatag pa man ang LGU diri,” butyag sa MDRRMO.
Nagpasalamat usab ang MDRRMO nga walay natalang injured o naapektohang indibidwal tungod sa natigayong buhawi.
RadyoMaN Kirby Manzon
Facebook Comments
