Davao City – Nahatagan na og pasiunang tabang sa lokal nga panggamhanan sa probinsya ang mga pamilyang naapektuhan sa landslide sa Barangay Mainit, Maco, Davao de Oro.
Sa interbyu sa DXDC RMN Davao kang Police Corporal Christopher Logo, personahe sa Maco Municipal Police Station (MPS), gibutyag niini nga kasamtangang gi-evacuate ang mga apektadong residente sa covered court sa Barangay Mainit.
“Niadto na man ang Provincial Government ug LGU namo diri. Ilaha pud ‘tong gi-assess (ang mga biktima) kung unsay mga magamit didto, unsa pay matabang nila,” matud sa pulis.
Sa inisyal nga report, anaa sa 6 ka balay ang totally damaged, samtang 7 ang partially damaged.
Una nang gibutyag sa Office of the Civil Defense (OCD-XI) sa interbyu sa DXDC RMN Davao nga walay natalang casualty sa maong insidente.
RadyoMaN Kirby Manzon
Facebook Comments
