Hindi inaksyunan ng Korte Suprema ang Motion for Reconsideration na inihain ng kampo nina dating Pangulong Rodrigo Duterte at Senator Bato dela Rosa.
Ito ay kaugnay sa kanilang hiling na maglabas ang Supreme Court (SC) ng temporary restraining order sa paikipagtulungan ng gobyerno ng Pilipinas sa International Criminal Court (ICC).
Sa kabila niyan, sinabi ni SC Spokesperson Atty. Camille Ting na pinagkokomento sa loob ng sampung araw ang respondents sa inihaing mosyon.
Respondents sa petisyon sina Executive Sec. Lucas Bersamin, Justice Sec. Boying Remulla, Philippine National Police (PNP) Chief Rommel Marbil, Criminal Investigation and Detection Group (CIDG) Chief Nicolas Torre III, Department of Foreign Affairs (DFA) Sec. Enrique Manalo, Armed Forces of the Philippines (AFP) Chief Romeo Brawner, Usec. Antonio Alcantara ng Philippine Center on Transnational Crime at dating Immigration Commissioner Norman Tansingco.
Inihain ang Temporary Restraining Order (TRO) noong nakaraang Martes para harangin ang pag-aresto kay dating Pangulong Duterte sa bisa ng ICC pero inilipad din siya kinagabihan patungong The Hague, Netherlands.
