APEX mining mutabang sa nagpadayong retrieval op sa masara landslide

Davao City – Gipasalig sa Apex Mining Co., Inc. nga sila mutabang sa nagpadayong operasyon sa landslide sa Barangay Masara, Maco, Davao de Oro, diin kagahapong adlawa, Pebrero 14, 2024, opisyal nang gideklara nga search and retrieval ang operasyon sa ground zero.

Sa press release sa mining company, ilahang gibutyag nga naka-focus karon ang ilang mga personahe, rescue equipment ug uban pang resources sa ginahimong operasyon on ground.

Aduna usay gimuntar nga Apex Welfare Desk Helpline sa Neuvo Iloco National School sa Mawab, Davao de Oro nga maghatag og assistance sa mga apektadong residente ilabi na sa updates sa ilang na-missing nga mga kabanay.

Samtang, nagpadayon ang medical mission sa kumpanya sa mga evacuation centers nga gisugdan niadtong Pebrero 12 hangtud 16, 2024. Anaa usab ang Hiraya-Diwa Psychological Services uban ang Tagum Doctors College nga muhatag og debriefing ug counseling service sa mga apektadong residente sa umaabot nga Pebrero 24-25.

“Apex Mining has been on limited operations as it has been helping the local government with clearing operations and repair of critical infrastructure like road and bridges,” panapos nga statement sa Apex Mining.

RadyoMaN Kirby Manzon